السلام عليكم
كيف حالكم ؟
تدوينة اليوم بتكلم عن الرويات الي قرأتها مؤخراََ و حسيتها منجد رهيبة
و تستاهل المدح و لازم الكل يقرأها ✨
.
.
.
اول كتاب حبدأ فيه الي هوا روايتي المفضلة لسنه 2017
الي هوا رواية أركاديا
رواية ملحمة اركاديا للكاتب هاني حيدر
اهني الكتاب على هذي الرواية العظيمة 👏🏼
رواية من وجهه نظري لازم يصرلها مسلسل او فيلم
الاحداث ، الحبكة و الشخصيات كل شي فيها جدا رائع
الرواية تتكلم عن إمبراطورية اسمها اركاديا
هذي الامبراطورية تتم احتلالها من قبل مملكة الاركساس
و يصير في حرب بين الدولتين
جدا شي رهيب الاحداث و الوصف
و بعد ما يتم احتلالها بعد كم سنه يرجعو يسوو حرب عشان يرجعو البلاد
الشخصيات في الرواية جدا يمسو القلب
تتعلقي بالشخصيات مرا كثير
شخصية بتار بالنسبة ليا كانت من اعظم الشخصيات في هذي الروية
جدا ممتعة في كل صفحة تتحمسي اكثر
.
.
.
.
الرواية الثانية
رواية شفيرة بلال للكاتب أحمد خيري العمري
هذا الكتاب مو بس رواية كمان كتاب تطور الذات 👌🏽
القصة جدا جميلة جدا مؤثرة
تتكلم عن الولد الي اسمو بلال عايش في الولايات المتحدة
امو و ابوه متفرقين عايش مع امه
يدرس في مدرسة كل طلابها يسخرو منو
فيعيش في ضغط و يبدأ يكره نفسو و يتمنى الموت كل يوم
بعد فترة يكتشفو انو بلال عنو مرض خبيث
و يكتشف انو ما بقيلو كثير ايام
وقتها يسمع عن فيلم حينزل اسمو بلال يتكلم عن الصحابي بلال بن رباح مؤذن النبي عليه الصلاة و السلام
جدا تأثر بلال لانو الفيلم على اسمه بس المشكلة انو الفليم حينزل في وقت جدا متأخر
و يمكن بلال ما يقدر يعيش لوقت ما ينزل الفليم
فحاول يتواصل بلال مع كاتب السناريو حق الفليم
كاتب السناريو هذا اسمو أمجد كان ابويه مسلمين
بس ما كانو ملتزمين و ماكان اسلامهم شي مرا مهم لهم تقريبا
فكان امجد ملحد بس أطر انو يكتب السينارو حق فليم بلال بن رباح عشان حاجتو للفلوس
مع كل دي الاحداث تشوفو كيف الاسلام يأثر فيهم 💓
جدا جميلة الرواية اكثر من رائعة
.
.
.
.
الرواية الثالثة
رواية المرأة الكاملة للكاتب سلطان موسى الموسى
الحلو في هذي الرواية انو معظمها خيالية بس مبنية على احداث واقعية
تتكلم عن مصر ايام أمنحوتب الرابع و نفرتيتي
الاحداث في هذي الروية جدا ممتعة
الروية ابدا ما تطفش
من النوع داكا الي تبي تعرفي النهاية تبي تعرفي ايش حيصير
جدا ممتعة حبيتها مرا
تتكلم عن امنحوتب انو ما كان مؤمن بألهتهم الي كان اسمو "امون"
كانت عندهم زي الشريعة انو لمن يصير ملك لازم يتزوج اخته و كدا كثير قوانين
و كان امنحوتب مهو مصدق بهذي الخرافات
بعدين يقابل نفرتيتي و يحبها و يتزوجها
ع فكرة امنحوتب هوا ملك مصر كان يعني وقتها او في احداث الرواية 😅😂
سوا تغير شامل للبلاد غير الالهه حقتهم من "امون " الى اتون "
الرواية مرا حلوة
.
.
.
.
الرواية الرابعة و الاخيرة
رواية حكومة الظل للكاتب منذر القباني
الروية هذي مو بس حبيتها الي بعدو
من كتر ما تحمس ما قدرت اسيبها خلصتها بيوم واحد
الرواية تتكلم عن رجل اعمال اسمو نعيم
هذا نعيم كان له استاذ في الجامعة جدا صديق له
هذا الاستاذة رجع بلدة المغرب
بعد 3 سنوات يكون نعيم عنده رحلة عمل الى المغرب فيقرر انو يزور استاذة
بعد يوم من مقابلته استاذة يدق عليه ما يرد
فيروح نعيم لبيت الاستاذ و يكتشف انو الاستاذ انتحر
بعد كم يوم يكتشف نعيم انو في رسالة في ايميلو من استاذه
و من هنا تبدأ القصة
القصة حقت الرواية هذي بوليسية تقريبا زي روايات اغاثا كرسيتي
بس جدا حبيتها مرا مشوقة و ممتعة
و لها جزء تاني الي هوا كتاب عودة الغائب
ان شاء الله اذا قرأتها حقلكم رأي فيها
.
.
.
و بكذا اكون خلصت
شكرا لكم
💜
تعليقات
إرسال تعليق