البلانر و طرق للتنظيم ✨

مرحبا 

بما اني من زمان ما سويت تدوينه عن البلانر 

فقلت خليني اسويو بشوف ما شاء الله تفاعلكم مرا حلو عليهم

التدوينه عن كيف ارتب البلانر حقي و ايش احط جواته
.
.
let's get started

هذا شكل البلانر حقي
من websterspages
تقدرو تطلبوه من موقعهم يوصلو للسعوديه
كمان تقدرو تطلبوه من Amazon
انا شخصياََ طلبتو من امازون
حجمو صغير A6
انا احب دا الحجم يناسبني مرا في احجام اكبر
اخدتو تقريباََ ب 120 ريال
حبيت مرا الصفحات الي بداخله ما غيرتها استخدمتها زي ما هيا

هذا شكل التقويم الشهري و الاسبوعي 

التقويم الشهري صغير شويا بس يمشي الحال 

.

.

.

هذي الاوراق كمان تجي مع البلانر مرا حبيتها و استخدمتها مرا كتير 

.

.

 

هذا البلانر من جوا 

فيلو زي الجيوب ممكن تستخدموها للفلوس و البطايق

ممكن تحطو فيها اوراق مهمه 

ممكن تعملو عليها ديزان حلو 

انا قررت اسوي ديزان بسيط عشان يفتح نفسي اول ما افتح البلانر 

و هذا الي طلع معايا

.

.

.

 

البلانر مقسمتو اقسام 

اول قسم هوا my self 

كاتبه في هذا القسم 

 -  احلامي 

-  اهدافي لهذي السنه 

- الهوايات 

-  فين اشوف نفسي بعد 10 سنين

يعني كم صفحة كدا كتبت فيها عن نفسي 

.

.

تاني قسم هوا keep tracking 

هنا احط الاشياء الي لازم اهتم بمتابعتها 

- موادي حقت الجامعة 

- غياباتي حقت الجامعة

- دراجاتي 

-  الافلام الي اتفرجتها دي السنه 

- البلوق 

و كدا يعني اشياء احتاج اني ارجعلها و اتابعها كل فترة  

.

.

.

 

هذا القسم هوا قسم الشخاميط و الافكار و كل شي 

عبارة عن اوراق فاضية ازا احتجتها اكتب فيها 

.

 .

.

هذا قسمي المفضل الي هوا books 

هنا اكتب عن الكتب و كل شي لو علاقة بالكتب 

زي 

- كتب قرأتها دي السنه 

- تقيمي للكتب 

- اهدافي ( كل ما ابدا كتاب اكتب تاريخ اليوم الي بدأت اقرأه فيه و احط هدف عشان اخلصو 

مثلاََ يكون شهر ، اسبوعين ، اسبوع .. عشان اشجع نفسي )

- كمان متى اشتريت كتب و كم عدد الكتب الي اشتريهم 

- كتبي المفضلة ( قاسمتهم قسمين قسم الروايات و قسم الكتب غير الروايات )

- كمان في هاشتاق #هدف ـ30ـكتاب الي انا سويتو هذي السنه لنفسي و لكم 

الهاشتاق في الانستغرام ازا حابين تشاركو 

.

.

.

 

هذا القسم هوا اخر قسم

و هوا حق التخطيط الشهري و الاسبوعي زي ما وريتكم فوق 

كمان حطيت زي النوت الصغيرة عشان لو احتجتهم 

.

.

.

في التخطيط الاسبوعي عندي رموز امشي عليها عشان ارتب نفسي 

اول شي 

ارسم مربع فاضي و هذي العلامه تدل على انو في مهمه لازم اسويها

ارسم المربع و اكتب جمبو المهمه  الي بأسويها في هذا اليوم 

مثال :

⬜ مذاكرة مادة المحاسبه 

.

.

بعدين اذا سويت هذي المهم بكل بساطة الون المربع 

مثال :

⬛ مذاكرة مادة المحاسبه 

.

.

اذا أجلت المهمه ليوم ما حددته 

احط جوات المربع سهم على اليسار ⇠

.

.

اذا أجلت المهمه لبكره 

احط جوات المربع سهم على اليمين ⇢

.

.

اذا الغيت المهمه 

احط جوات المربع اكس ⊠

.

.

اذا كان عندي موعد احط علامه المثلث و اكتب الموعد 

مثال: 

△ موعد دكتور اسنان

.

.

 اذا كان عندي شي مهم ابا اتذكره في هذا اليوم احط علامه النجمه

مثال :

☆ اسقي الزرع 

 

.

.

اذا كان عندي ايفنت او عزيمه احط علامه النقطة 

مثال :

⚫ عزيمه في بيت عمي 

 

.

.

 اذا عندي نوت ابا احطها او بكتب حدث صار في اليوم احط علامه الشرطه 

مثال :

➖اشتريت كتب جديده و جدا سعيدة 

.

.

.

و بس هذي الرموز و الاقسام الي استخدمها شخصياََ في البلانر حقي 

سوو الشيء الي يريحكم و الي تحسو نفسكم بتنظمو نفسكم فيه 

اتمنى تكونو استفدتو 

جدا حكون سعيدة بسماع تعليقاتكم 

و اتمنالكم يوم سعيد 

و شكرا 💜