مرحبا جميعا َ 💜
من زمان افكر اعمل ريفيو عن الكتب في مدونتي
قررت اسويها كل فترة
ما حطول كثير يمكن كل تدوينة عن 3 او 4 كتب بالكثير
و اباكم كمان تشاركوني كتبكم في هاشتاق في الانستغرام
انا سويتو عشان احفز نفسي و احفزكم انو نقرأ كتب اكتر
اتمنى اشوف مشاركتكم الحلوة و رأيكم عن الكتب الي بتقرؤها 💕
.
.
.
اول كتاب حبدأ فيه هوا كتاب غدا اجمل
للكاتب عبدالله المغلوث
انا هذا الكاتب اثق جدا بكلامو و بتفكيره
جدا احب كتبه تقريبا كلها عندي و قرأتها و دايما استفيد منها
الكتاب هذا يتكلم عن اشياء في حياتنا بتصير مشاكل مثلا
مثلا ضعف في شخصية مثلا سرعة الغضب
هذا الكتاب يختصرلك نقاط و حلول لكل مشكلة تقريبا
احس الكتاب مرا حلو و مرا مفيد استفدت منو مرا كثير
و اتعلمت منو كثير اشياء
و الحلو فيه طريقة عرض الفكرة
بالرسومات بعدين تلاقي شرح لهذا الكلام حتى الشرح جدا مختصر و مفيد
جدا انصح فيه مرا حبيتو
حطيتو في لستة كتبي المفضلة 💜
عن نفسي اعطيت الكتاب 5 نجوم
⭐️⭐️⭐️⭐️⭐️
بعض الاقتباسات الي اعجبتني من الكتاب
" لن يركب احد ظهرك الا اذا انحنيت له "
" مشاعرنا اغلى ما نملك اذا لم نعتني بها فسنعاني منها "
.
.
.
.
الكتاب التاني هوا كتاب السر
هوا كتاب متفاءل 100٪
بس احس عشاننا مسلمين ولله الحمد
نؤمن بالقضاء و القدر
و نؤمن بربنا
و بالدعاء
فعارفين انو ممكن يصير اي شي ازا كان عندنا حسن ظن بالله
ازا اتوكلنا على الله و قعدنا ندعي حيصير الي نباه
المهم زبدة الكتاب يتكلم عن قوة الجذب
"يعني ازا فكرتي انو اليوم حتشوفي شخص من زمان ما شفتيه
و قعدتي تفكري انو اليوم حيصيرلك كدا حيصير في الحقيقة "
فالكتاب بتكلم عن قوة الجذب في الصحة و المال و كدا
الكتاب مرا حلو يعطي طاقة ايجابية
يغير التفكير صراحة يخليكي مرا ما تفكري بطريقة سلبية
يحول تفكيرك لتفكير ايجابي
اعطيت الكتاب من 5 /4 نجوم
⭐️⭐️⭐️⭐️
بعض الاقتباسات الي عجبتني من الكتاب :
"انت اقوى مغناطيس في هذا الكون فبداخلك قوة مغناطيسية اشد بأسا و فاعلية
من اي شي في هذا العالم و هذه القوة تنبغث من افكارك "
" ان افكارك هي البذور و الثمار التي تجنيها ستأتي تبعا لتلك البذور التي تزرعها "
.
.
.
.
كتاب who moved my cheese
للكاتب spencer johnson
الكتاب يتكلم عن كيف تتقبلي التغير
كيف تتعاملي مع الفرص الجديدة
كيف تسيبي الماضي و تمشي و تعيشي الواقع
ما تضيعي وقتك و انتي حزينة على الي صار
الكتاب هذا يشرحلك كل دا الكلام و بطريقة قصة
يتكلم فيها عن فأرين و انسانين
و يقارن بيناتهم
عن نفسي مرا عجبني و قررت اقرأو بالانجليزي لانو سهل
في منو مترجم بالعربي
اعطيته 4 نجوم من 5
⭐️⭐️⭐️⭐️
من الاقتباسات الي عجبتني في الكتاب :
"the quicker you let go of old cheese ,the sooner you find new cheese "
" when you change what you believe you change what you do "
.
.
.
و بس
اذا عجبتكم هذي التدوينة
قولولي في الانستغرام او السناب
عشان اكمل انزل منها
حساباتي فيهم كلهم نفس الاسم
ghofrantaiyb
و شكرا لكم 💜
تحمست وااايد اني ارجع اقراء ان اشاء الله اشراك في هدف ٣٠ كتاب ����
ردحذف💜💜
حذف