مفضلاتي لشهر ديسمبر 💕

السلام عليكم 💜
{ مفضلاتي لشهر ديسمبر }
الشهر مر بسرعة كأنو 🤔
المهم ندخل على موضوعنا 😂
هذي نظرة للمنتجات الي حبيتها دا الشهر 👀✨

.

.
اول شي حتكلم عنو الي هوا Bourjois perfect cc cream
دا الشي عشق عشق 😍
جدا جميل هذي تاني علبة اشتريها
خفيف جدا على البشرة هوا اصلن سائل زي المويا
الحلو و الغريب فليو انو فيلو 3 الوان تصحيح للبشرة
اللون البرتقالي : يوحد اللون في حال وجود بقع
اللون الاخضر : يوحد الاحمرار زي حب الشباب و الكلف و النمش و يعطيها لون بيج
قريب من لون البشرة الطبيعي فهوا يحول الاحمرار الى بيج
اللون الابيض : يساعد على تفتيح البشرة و يضيئ البشرة التعبانة و يقلل الاصفرار الي فيها
جدا جميل يعطي شكل دووي كدا و نضارة
كمان فيلو واقي شمس 15
و ريحتو حلوة

.

.

المنتج التاني الي هوا
Makeup forever pro bronze fusion
جدا حلو على البشرة طبيعي و يعطي شكلي دووي و قلوي و صحي ✨
كمان ضد الماء يعني لو جاه على وجهك مويا لا تخافي ما حيروح البرونزر 😂
كمان مع الحر ما يروح دا شي حلو فيلو 👌🏽
هوا شكلو كأنو كريمي بس هوا بودرة
مرا حلو وجميل و يعطي شكل صحي و طبيعي 👩🏽✨

.

.

دا البلاشر من MAC  

يجننن لونو مرا حلو 😱❤️
و طبعاََ معروفين ماك في البلشرات حقتهم انها تقعد لوقت طويل ما تروح 👌🏽
دا اللون اسمو : GINGERLY

.

.

هذا روج سائل مات من L.A.Girl
لون الدرجة مرا حلو 🙊💕
كدا بني ع اورنج ع شويا احمر  

و حبيتو ما يقطع الشفايف
اسم الدرجة : fleur

.

.


كمان دا الروج Rouge Edition Velvet
   من Bourjois
لونو نود خفيف مرا و حلو ينفع للدوامات ✨
رقمو : 17

.

.


و بكذا اكون خلصت
اتمنى تكونو استفدتو
و شكرا لكم 💜✨