زيت الشعر المغذّي من لوريال

السلام عليكم 

بتكلم اليوم عن احسن كريم استخدمتو لشعري 

منجد تعبت و انا اشوف اعلانات و اروح اشتري الكريم وبعدين  يطلع ما يسوي شي او انو ما حسيت فرق عليه 

قريب كنت في السوق و شفت دا الكريم و قرأت انو فيلو 6 انواع زيوت ، قلت خليني اجربو ما حخسر شي 

جربتو اول مرا و شعري ناشف امم ما حسيت بفرق كبير

جربتو المرا التانية و شعري مبلول 

منجد رهيييب 

لاحظت انو ما يخلي الشعر ينفش بعد الشور و ينعمو كدا و يخليه حيوي 👩🏼✨

كمان دا الكريم يهدي العطاطيب او البيبي هير الي تطلع مع الشمس 😂

حتى لو كان شعرك ناشف خدي كمية بسيطة و حطي عليها يهديها ما يخليها ناطة كدا 😂

دي العلبة التانية ليا

انوع الزيوت الي موجودة فيلو 

{ زيت الزيتون، زيت أرجان ، زيت جوز الهند ، زيت الجوجوبا ، زيت اللوز ، زيت كاميلينا }
تلاقوه في الصيدليات و كمان في بندة و الدانوب 
سعرو يمكن  25 او 30 اتوقع والله مني فاكرة كم بالزبط